No Image
No Image

Rasim Məmmədovun bacanağı intihar etdi

Rasim Məmmədovun bacanağı intihar etdi
Bir müddət öncə Dövlət Təhlükəsizliyi Xidməti tərəfindən həbs edilən "Baku Steel Company” MMC-nin direktoru olmuş Rasim Məmmədovun bacanağı Elşən Rəhimov intihar edib.

Sfera.az xəbər verir ki, bu barədə ilk məlumatı iş adamı, sabiq deputat Nazim Bəydəmirli yayıb.

O bildirib ki, E.Rəhimov illər öncə elə "Baku Steel Company”də bacanağı R.Məmmədovla işləyib. Daha sonra onların qanunsuz əməlləri ilə razılaşmayaraq etiraz edib və şirkətlə yollarını ayırıb.

İddiaya görə, bundan sonra R.Məmmədov təzyiq edərək baldızının Elşən Rəhimovdan boşanmasına səbəb olub. Ardınca isə Elşən Rəhimov xaricə köçüb və orada karqo şirkəti yaradıb.

Onun ölkədən didərgin düşməsinə səbəb olan Rasim Məmmədovu DTX həbs edəndən sonra Elşən Rəhimov ailəsi ilə barışacağına ümid edərək Azərbaycana qayıdıb.

Daha sonra Elşən Rəhimov keçmiş bacanağının istintaqına cəlb edilsə də, R.Məmmədovla əlaqəsinin olmadığı müəyyən edilib və sərbəst buraxılıb.

Ramazan bayramı günü Elşən Rəhimov növbəti dəfə həyat yoldaşı ilə görüşərək yenidən bir araya gəlmək istədiyini bildirib, lakin barışıq təklifi qəbul edilməyib.

E.Rəhimov bundan sonra Bakıda yerləşən binalardan birində özünü asaraq intihar edib.

R.Məmmədovun dostlarından biri "Qafqazinfo”ya məlumatı təsdiqləyib. Qeyd edib ki, E.Rəhimovun boşanması sadəcə sənəd üzərində olub. O, ailəsi ilə mütəmadi əlaqə saxlayıb.

Hüquq-mühafizə orqanlarından bildirilib ki, mayın 13-ü və 14-də Elşən Rəhimov adında şəxsin intihar etməsi ilə bağlı rəsmi informasiya mövcud deyil.

Xatırladaq ki, R. Məmmədov ortağı, AMEA prezidenti Ramiz Mehdiyevin oğlu Teymur Mehdiyev və kürəkəni, sabiq deputat  İlham Əliyevin şikayəti əsasında saxlanılıb. Onlar ərizələrində bildiriblər ki, Rasim Məmmədov birinin 4 milyon, digərinin isə 3,5 milyon dollar vəsaitini mənimsəyib.
Sehliyali
Turan Bank

OXŞAR XƏBƏRLƏR

DTX Ukraynada əməliyyat keçirdi - VİDEO

Xarici ölkənin ərazisində qanunsuz silahlı birləşmələrin fəaliyyətində iştirak edən şəxs məsuliyyətə cəlb olunub. Sfera.az Dövlət Təhlükəsizliyi Xidmətini...

Boşanmaq istəyən arvadını məhkəmənin önündə öldürdü

Tərtər rayonunda qətl hadisəsi baş verib. Sfera.az-ın məlumata görə, hadisə Tərtər Rayon Məhkəməsinin qarşısında qeydə alınıb. Belə ki, Anar Əliyev həyat...

Azərbaycanda qardaş qardaşı öldürdü

Ağdaş rayonunda kişi mübahisə zamanı öz qardaşını və həmkəndlisini güllələyib. Sfera.az xəbər verir ki, rayonun Abad kənd sakini Mustafa Ələşrəfov münaqiş...

Bakıda qardaş bacısını BIÇAQLADI

Bakının Nərimanov rayonunda bıçaqlanma hadisəsi baş verib. Sfera.az xəbər verir ki, hadisə Aşıq Molla Cümə küçəsində qeydə alınıb. 1997-ci il təvəll...

Saxta əlillik kağızı verənləri və alanları hansı cəzalar gözləyir? - 3 min manat cərimə, 2 il həbs...

"Saxta əlilliklə bağlı statistika onu göstərir ki, saxta əlilliyi alanlarla bərabər, saxta əlilliyi verənlərlə bağlı da ciddi tədbirlər görülməlidir".   ...

Məktəb direktoru katibənin maaşını mənimsədi

Cəbrayıl Peşə Məktəbində yol verilmiş qanunsuzluqlarla bağlı daxil olmuş müraciət əsasında rayon prokurorluğunda araşdırma aparılıb. Bu barədə Sfera.az-a ...