Ramiz Mehdiyev əməkdaşların bağ evlərini əlindən alıb? – AMEA-dan cavab
10:39 / 23.02.2021
1238
Ramiz Mehdiyevin AMEA-nın 500-dən çox əməkdaşına
verilmiş bağ sahələrinin əllərindən alınması ilə bağlı göstəriş verməsi haqda xəbərlər
yayılıb.
Bu barədə araşdırmaçı-jurnalist Cavanşir Həsənli
məlumat verib. Qeyd edilib ki, AMEA Rəyasət Heyəti aparatının İşlər idarəsi
institutlara məktub göndərərək, bağ sahələrinin ləğv edildiyini və müqavilələrin
qanunsuz olduğunu bildirib. Əməkdaşlara ötən gün bu barədə məlumat verilib.
Qeyd olunur ki, onlar bağ sahələrinin əllərindən
alınması tapşırığı birbaşa Ramiz Mehdiyevdən gəlib və AMEA Rəyasət Heyəti
aparatının İşlər idarəsinin müdiri Elton Məmmədov (Ziya Məmmədovun qardaşı),
müdir müavini Fikrət Əliyev (Ramiz Mehdiyevin kürəkəninin qardaşı) bu məsələdə
birbaşa maraqlı olduqlarını bildirirlər.
Məsələ ilə bağlı Sfera.az qurumla əlaqə
yaradıb. AMEA Rəyasət Heyəti aparatının Mətbuat və informasiya şöbəsinin müdir
müavini Gülnar Hacıyeva saytımıza açıqlamasında bildirib ki, yayılan məlumatın
heç bir əsası yoxdur: "Bu iddianı təsdiq edən heç bir rəsmi sənəd yoxdur. Buna
görə də mövzuyla bağlı hər hansı təkzib və ya açıqlama verilə bilməz”.
Sfera.az
