“Qiymət artımı qaçılmazdır...” – Su tariflərinin artırılması daha nələri bahalaşdıracaq?
15:48 / 01.02.2021
1821
"Benzinin qiymətindəki artım hansısa təbəqəyə
təsir etməyə bilər, amma suyun bahalaşması bütün təbəqələrə təsir edəcək, qiymət
artımı qaçılmazdır".
Bunu Sfera.az-a iqtisadçı ekspert Qadir İbrahimli
su tariflərinin artırılması ilə bağlı danışarkən bildirib.
Ekspert bəzi sahələrdə xüsusilə bahalaşmanın olacağını
qeyd edib:
"Xidmət, ictimai iaşə sektorunda qiymətlər
bahalaşacaq. Çünki onların əsas maya dəyərini təşkil edən elementlərdən biri
sudur. Xidmət sektoru dedikdə kafe-restoran biznesini, turizm sahəsini nümunə gətirmək
olar. Eyni zamanda bahalaşma bəzi məhsullarda da özünü göstərəcək. Çünki əksər
məhsulların maya dəyərində suyun da çəkisi var və bu da öz təsirini bahalaşma
ilə göstərəcək. Deməzdim ki, qiymətlər fantastik dərəcədə olacaq, amma istənilən
halda bahalaşmanı hiss edəcəyik.
Sfera.az
Əzizə Zeynal 
