“Peyvənd kabusu”: Həqiqətən öldürür? - Azərbaycanlı həkimlər bir-birini təkzib edir

“Peyvənd kabusu”: Həqiqətən öldürür? - Azərbaycanlı həkimlər bir-birini təkzib edir
Xəbər verdiyimiz kimi, Avstraliyanın Tazmanya və Viktoria ştatlarında "AstraZeneca” peyvəndinin ilk dozasını vurduran daha iki nəfərin qan laxtalanması səbəbilə öldüyü açıqlanıb.

Ölkənin dərman vasitələri sahəsini tənzimləyən təşkilatı TGA tərəfindən verilən məlumata görə, "AstraZeneca” peyvəndinin ilk dozasını vurduran Tazmanya ştatında 44 yaşındakı bir kişi və Viktoria ştatında 48 yaşındakı bir qadın qan laxtalanması səbəbilə ölüb.

Avstraliyada peyvəndləmənin başlamasından bəri tətbiq olunan 6,1 milyon doza "AstraZeneca” peyvəndinə bağlı olduğu qeyd edilən qan laxtalanmasından ölənlərin sayı artıq 6-ya yüksəlib. Ümumiyyətlə, bu peyvəndin öldürməsi ilə bağlı indiyədək çox fikir səsləndirilib.

Bir çox ölkələr hətta ingilis-İsveç birliyi vasitəsilə yaranan vaksinin qan laxtalanması yaratdığını açıqlayaraq, ondan istifadədən imtina ediblər. Hətta ad dəyişimi də kömək etməyib. Lakin Ümumdünya Səhiyyə Təşkilatı bu peyvəndi istifadə üçün təsdiqləyib.

Maraqlıdır ki, ölüm hallarının bu peyvəndlə əlaqələnməsinin səbəbi nədir? Həqiqətən də mi,”AstraZeneca” öldürür?

Məsələ ilə bağlı Cebhe.info-ya açıqlamasında infeksionist Azər Nağıyev bildirib ki, bu sadəcə ölkələrin səsləndirdiyi fərziyyədən başqa bir şey deyil:
 




"Hər bir ölkədə yeniliklər olanda ona qarşı tənqidi fikirlər, şou xarakterli söz-söhbətlər olur. Lakin bir şəxsin fikri əsas götürülə bilməz. Heç bir elmi sübutu yoxdur ki, "AstraZeneca”nın ölüm faizi o birilərdən çoxdur. Bu, sadəcə bir fərziyyədir. Bu fərziyyə də bütün peyvənlərə qarşı səsləndirilib”.

ATU-nun Tədris Terapevtik Klinikasının Şüa diqanostikası şöbəsinin müdiri, radioloq Aydın Əliyev deyib ki, bütün peyvəndlər haqqında belə fikirlər mövcud olub, amma bunun heç bir elmi əsası yoxdur:
 




"Şəxsin peyvənd olunduqdan sonra ölməsinin birbaşa peyvəndlə əlaqəsi yoxdur. Mən peyvəndin öldürməsi ilə bağlı yayılan informasiyalara inanmıram. Çünki bu, elmi şəkildə əsaslandırılmalı, ortaya arqumentlər qoyulmalıdır. Meyidin üzərində analizlər aparılmalı, toxumalardan analizlər götürülməlidir. Belə şaiyə xarakterli fikirlər çoxdur.

Əvvəlcə "SinoVac”, sonra "Pfizer”, sonra "Sputnik V”, sonra AztraZeneca”ya qarşı belə fikirlər səslənidirildi. Hətta bu, artıq "AstraZeneca”ya qarşı səsləndirilən iddiaların ikinci partiyasıdır. Bunlar əsasını tapmayacaq şeylərdir. Burada biznes maraqları da ola bilər”.

Tibb sahəsi üzrə ekspert, terapevt Rasif Bağırov isə deyib ki, peyvəndlərdən ölüm halları mümkündür, çünki hər kəsin orqanizmi fərqlidir:
 




"Ümumiyyətlə peyvəndlər kütləvi şəkildə istifadə olunduğu zaman ölümlər ola bilir. Avropa ölkələrində mətbuat və qeyri- hökumət təşkilatları bu kimi məsələlərə ciddi nəzarət etdiyinə görə ölüm halları ciddi araşdırılır və nəticə ortaya qoyulur. Çin kimi ölkələrdə belə məlumatlar açıqlanmır.

Çünki orada bu məsələlərə jurnalisti yaxın buraxmırlar, mediada yayılmasının qarşısı alınır. ABŞ 1 ay öncə belə bir statistik məlumat açıqlamışdı ki, indiyə qədər peyvənd edilən əhalidən 400 nəfəri vaksindən ölüb. Onlar həm də açıqlayıblar ki, bu şəxslərin əksəriyyəti ürək-damar xəstəliyindən əziyyət çəkən şəxslər olub.

Yəni belə hallar bütün vaksinlərdə olur. Heç bir vaksində ölüm halından sığortalanma olmur. Lakin bu da normaya uyğun olmalıdır. Məsələn, Amerikada 300 milyon insana vaksin vurulur və bunun da 400 nəfəri ölürsə, bu, pis statistika deyil. 400 nəfərə görə o qədər insanı təhlükədə qoya bilməzsən axı. Yəni tibbdə belə hallar olur.

Bəzi dərmanların da üzərində yazılır ki, bu preparatdan istifadə etdikdə müəyyən xəstəliklər inkişaf edir. Bu, kimin bəxtinə düşsə, orada nə həkimin, nə də bir başqasının günahı var. Çünki hər şəxsin orqanizmi bir cürdür deyə ölüm halları ola bilir. Amma çox insana bu kimi peyvəndlər, dərmanlar müsbət təsir etdiyi üçün onların verilməsi məqbul hesab edilir. Bu, bütün dünyada belədir”.

Sfera.az
Sehliyali
Turan Bank

OXŞAR XƏBƏRLƏR

Koronavirusa yoluxanları gözləyən dəhşətli TƏHLÜKƏ

Koronavirusa yoluxanlarda iki həftə ərzində kəskin ürək-damar xəstəlikləri ehtimalı artır.   Sfera.az xəbər verir ki, İsveçin Umea Universitetinin bir qr...

Rüşvətlə COVID-19 pasportu almaq istəyənlərə XƏBƏRDARLIQ: “Kameralarla baxırıq, əgər…”

Vaksinasiya prosesində neqativ hallara yol verilir.   Sfera.az xəbər verir ki, bununla bağlı "ASAN radio”ya bir neçə fakt daxil olub. Bildirilir ki, və...

İnsanın həyatını xilas edən yumruq zərbəsi - Prekardial zərbə nədir?

Sinə nahiyəsinə vurulan yumruq zərbəsi bəzən insanı ölümdən xilas edə bilər. Tibdə buna "prekardial zərbə" deyilir. Sfera.az xəbər verir ki, prekardial zərbə ü...

“Vaksin olunan insanların immuniteti Delta ştammı qarşısında aciz qalacaq” – Professor ölən həkimdən danışdı

Son 2-3 ayda koronavirus peyvəndi olunan çox insanın yeni Hindistan və Delta ştammı qarşısında dözümsüzlük göstərərək yoluxub, hətta ölməsi faktları artır. ...

“Peyvənd kabusu”: Həqiqətən öldürür? - Azərbaycanlı həkimlər bir-birini təkzib edir

Xəbər verdiyimiz kimi, Avstraliyanın Tazmanya və Viktoria ştatlarında "AstraZeneca” peyvəndinin ilk dozasını vurduran daha iki nəfərin qan laxtalanması səbəbilə...

Yoluxanların sayı 250-ni keçdi

Azərbaycanda bu gün koronavirus infeksiyasına 251 yeni yoluxma faktı qeydə alınıb,  79 nəfər müalicə olunaraq sağalıb və evə buraxılıb. Sfera.az xəbə...