Pandemiyanın qol-qanad verdiyi falçılar... - İnsanlarımızın son ümid yeri niyə xurafatdır?

Pandemiyanın qol-qanad verdiyi falçılar... - İnsanlarımızın son ümid yeri niyə xurafatdır?
Son zamanlar sosial şəbəkələr vasitəsilə müəyyən məbləğ qarşılığında tale müəyyən edən, öncəgörənliklə məşğul olan baxıcıların aktivliyi müşahidə edilir. Bu proses xüsusilə pandemiya dönəmində sürətli hal almağa başlayıb.
 
Maraqlıdır insanlarda son vaxtlarda baxıcılara, falçılara marağın artmasının səbəbi nədir?

Bununla bağlı sosioloq Lalə Mehralı Sfera.az-a danışarkən baxıcılara və falçılara marağın bütün dövrlərdə olduğunu deyib:
 
"Bu, cahilliyin hökm sürdüyü əsrlərdə də belə idi, elmin gücünə heyran qaldığımız dövrdə də. İnsanlar həmişə nədənsə mədət umurlar, nəyisə öncədən görüb özlərini rahatlatmaq istəyirlər. Haqqında narahat olduqları şeylərin yaxşı nəticələnməsi ümidilə baxıcılara müraciət edirlər. Onlara son ümid yeri kimi baxırlar. Onların insan taleyini dəyişəcəyi fikrinə qapılırlar. Dində də mənfi enerji yönəltməklə cadugərlik kimi şeylərin mümkünlüyü qeyd olunur. Yenə də yekunda insanın taleyi necədirsə, o cür nəticələnir. 

Baxıcıların etdikləri isə insanları aldatmaqdan, soyğunçuluq etməkdən, ümidləri ilə oynamaqdan başqa bir şey deyil. Pandemiya  dövründə falçıların fəallaşmasının bir səbəbi də insanların mənfi emosiyada olmaları, bədbinliyə qapılmaları, problemlərdən çıxış yolunu məhz falçılarda görmələridir. Bu baxımdan baxıcılar, falçılar virtual məkanda at oynatdılar”.

Müsahibimiz qeyd edib ki, bəzi üsullarla edilən öncəgörücülüyün bəzən doğru çıxması mümkündür:

"Tutaq ki, doğum tarixi, ata-ana adı, müəyyən açar sözlərlə insanın yaxın bir neçə gündə başına nə gələcəyi ilə bağlı öncəgörücülük etmək olur. Bunu elm də təsdiqləyir. Bəzən ulduz fallarından istifadə edilir. Elm də sübut edir ki, bu üsullarla – planetlərin düzülüşü, ulduzlar və.s. insan həyatı barədə nəsə öyrənmək mümkündür, proqnozlar verilir. Amma falçılardan asılı vəziyyətə düşmək, onların dediyi ilə oturub durmaq cahillikdən başqa bir şey deyil”.

Psixoloq Lalə Cəfərova isə saytımıza açıqlamasında deyib ki, baxıcılara maraq insanların maariflənməməsindən irəli gəlir:

"Azərbaycanın hazırkı vəziyyətini nəzərə alsaq, cəmiyyətin şüur səviyyəsinə baxsaq, maariflənmənin getmədiyini müşahidə edərik. Bunun üçün nə işlər görülür ki? Mirzə Ələkbər Sabir, Cəlil Məmmədquluzadə, Mirzə Fətəli Axundzadə və bunlar kimi ziyalılarımız yoxdur. Hansı ki, onlar insanların gözünü açmağa çalışırdılar. İnsanlar problemlərini həll etməyi bilmirlər, bacarmırlar. Bilən insanlar da yoxdur ki, onlara yol göstərsin. Nəticədə insanlar ən rahat yola əl atmağa başlayırlar – baxıcının yanına gedəcəm, nəyisə oxuyub üfləyəcəm, bir-iki dua yazacaq, bununla da problemim həll olunacaq. Belə bir dünya yoxdur. Bir şeyi həll etmək istəyirsənsə, onun yolunu tapmalısan.
 
Düşünürəm ki, insanlar yol tapmadıqları üçün rahat yola baş vururlar. Həll olunmadığı halda, bir neçə dəfə baxıcı, falçı yanına getməli olurlar, daimi müştərilərə çevrilirlər. İnsanlarda baxıcılara maraq olmasının səbəbi həm də bir az televiziyalar oldu. Xatırlayırsınızsa, son bir neçə ilə kimi həmin insanları televiziyalara çıxarırdılar, xüsusi ekstrasens verilişləri hazırlanırdı və s”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Erməni əsilli futbolçu Rusiya çempionatında dava saldı - VİDEO

Futbol üzrə Rusiya Premyer Liqasının 11-ci turu çərçivəsində keçirilən "Spartak”-"Dinamo” oyununda futbolçular arasında insident yaşanıb. Sfera.az xəbər v...

Şuşadan ilk zəng həyata keçirildi

Bu gün Azərbaycan mədəniyyətinin paytaxtı Şuşa şəhəri və Bakı arasında sabit telefon rabitəsinin istifadəyə verilməsi ilə bağlı ilk zəng testi uğurla həyata keç...

Bu işçilərin əməkhaqları artıb

2021-ci il sentyabrın 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 14 min nəfər və ya 0,8 faiz artara...

"Azəriqaz" rəhbəri qiymətlərin bahalaşma səbəblərini AÇIQLADI

Azərbaycanda təbii qazın qiyməti noyabrın 1-nə qədər köhnə qiymətlərlə hesablanacaq. Sfera.az xəbər verir ki, bu barədə "Azəriqaz" İstehsalat Birliyinin B...

"Bakıda 8-10 tələbə yığışıb bir evdə qalır" - Kirayə mənzil problemi nə vaxt bitəcək?

"Kirayə mənzil bazarında problemlər təxminən sentyabr ayının sonuna qədər ciddi şəkildə yaşandı, indi isə sabitlik yaranıb”.   Bunu Sfera.az-a açıqlaması...

Milli Məclisdən yeni qərar: Vətəndaşlar bu rüsumdan azad edilir

Milli Məclisin bu gün keçirilən plenar iclasında "Dövlət rüsumu haqqında” qanuna dəyişiklik layihəsi I oxunuşda müzakirəyə çıxarılıb.   Sfera.az xəbər ve...