Neft niyə dəyər itirir? – İqtisadçı səbəblərdən danışdı
11:56 / 08.07.2021
1056
"OPEC+ Alyansında müşahidə edilən fikir
ayrılıqları neftin qiymətinə təsirsiz ötüşmədi. Bu həftəyə hər bareli üçün 77
dollar qiyməti ilə start verən Brent markalı neftin dəyəri 73 dollaradək
azalıb”.
Sfera.az bildirir ki, bunu deputat, iqtisadçı
Vüqar Bayramov deyib. Millət vəkilinin sözlərinə görə, bu, neftin qiymətində
son 3 gündə 5 faizdən çox azalma deməkdir:
"Digər tərəfdən, ABŞ dollarının dünya valyuta
bazarında möhkəmlənməsi də strateji məhsulların, o cümlədən neftin qiymətinə təsir
göstərir. Son bir ayda dollar avroya nisbətən 4 faizə yaxın dəyər qazanıb. Möhkəm
dollar da neft bazarına təsir etməkdədir. OPEC+ Alyansının gələcək taleyi
neftin qiymətin dəyişməsinə birbaşa təsir edəcək.
Doğrudur, qlobal vaksinasiya səviyyəsinin
genişlənməsi, yay aylarında inkişaf etmiş ölkələrdə, xüsusən də Birləşmiş
Ştatlarda daxili səfərlər səbəbindən benzinə tələbin artması enerji bazarında
qiymətlərin xeyirinə işləyən mövsümi faktorlardandır. Amma bütün hallarda neft
bazarında volatilliyin davam edəcəyi şübhəsizdir”.
V.Bayramov qeyd edib ki, enerji məhsulları
ixrac edən əksər ölkələr və eləcə də Azərbaycan üçün neft bazarındakı stabillik
valyuta daxilolmalarının optimallığı baxımdan vacibdir:
Günay
