Vladislav Şurigin: “Azərbaycan olduqca zəngin bir ölkədir “
![Vladislav Şurigin: “Azərbaycan olduqca zəngin bir ölkədir “](https://sfera.az/photo/orginal/2018/12/25/278282.jpg)
12:00 / 25.12.2018
3692
Ermənistanın Gümrü şəhərindəki Rusiya hərbi bazasında baş verən qalmaqalların sayı bitmir.
Sfera.az xəbər verir ki, yerli ermənilərlə mütamadi olaraq hərbçilər arasında baş verən inistendlər rusiyalı ekspertləri də danışmağa vadar edib.
Rusiyalı tanınmış jurnalist Vladislav Şurigin bu bazasının Rusiya üçün hansı əhəmiyyət kəsb etdiyi haqqında öz müsahibəsində danışıb.
- Hesab edirsiniz ki, bu gün Gümrüdəki 102-ci hərbi bazanın Rusiya üçün nə dərəcədə vacibdir?
- Hesab edirəm ki, bu bazanın dəyəri çox azdır. Onu orada saxlamağa heç bir mənası yoxdur. Daha doğrusu, Ermənistan rəhbərliyinə xüsusi sevgisi olan mərhum nazir Pavel Qraçevin təklifi ilə o baza orda qalmışdı. Ermənistanı Rusiyanın nəzarətində saxlamaq üçün orada bir hərbi bazası yerləşdirdi. Baza 21 avqust 1992-ci ildə imzalanmış, müqaviləyə görə ora yerləşdirilmişdi. Bizim mövcudluğumuzdan başqa heç bir ciddi hərbi əhəmiyyəti olmayıb. Hazırkı Ermənistan rəhbərliyinin siyasətini və rolunu nəzərə alaraq, biz bu bazanı tamamilə oradan çıxartmalıyıq.
- Demək olar ki, Rusiya Ermənistanda hərbi varlığından tamamilə imtina edə bilərmi?
-Bu ölkənin siyasi gələcəyi qonşuları ilə əlaqələrin necə qurulacağına bağlıdır. Amma qonşuluqdakı Azərbaycanla daha yaxşı münasibətlərimiz var. Ermənistan öz gələcəyini özü təmin etməlidir. Bu sözsüz qonşuluqdakı ölkələrdən də asılıdır.
- Azərbaycanla hərbi əməkdaşlıq Rusiya üçün maraqlıdırmı?
- Əlbəttə. Birincisi, Azərbaycan olduqca zəngin bir ölkədir ki, bir çox müxtəlif silah ala bilir. İkincisi, Azərbaycan ənənəvi olaraq güvənərək dostluq öhdəlikləri ilə Rusiyaya bağlıdır.