Aktrisa Pərvin Abiyeva şəxsi həyatından danışıb.

Musavat.com saytına açıqlama verən aktrisa keçmiş nişanlısı ilə barışdığını deyib: "Nişanlımla barışmışam. Əslində, onunla 8 martdan öncə barışmışdıq, amma heç kəsə bildirmirdik. Evliliyi hələ düşünmürük. Çünki işlərim çoxdur. Hələlik işlərimi qaydasına salmalıyam, şəxsi həyatım ikinci plandadır. Həm də tam barışmış sayılmırıq. Çünki heç nə əvvəlki kimi deyil".

P.Abiyeva nişanlısının məmur oğlu olduğu haqda yayılan xəbərlərə də aydınlıq gətirib: "Nişanlım məmur oğlu deyil, dövlət işində də çalışmır. Biznesmendir”.

Aktrisa bildirib ki, cütlüyün ayrılmasına səbəb qısqanclıq olub: "İkimiz də çox qısqancıq. Bu da aramızda problemlərin yaranmasına gətirib çıxarır. Bəzi şayiələr gəzir ki, nişanlımdan ayrıldım, depressiyaya düşdüm, buna görə də saçlarımı kəsdirdim. Bunlar hamısı boş söhbətlərdir. Depressiya mənlik deyil. Saçlarımı da layihə üçün kəsdirmişəm".

Musavat.com,

Gənc aktrisa: “Nişanlım məmur oğlu deyil, o...” - FOTOLAR