"Mənə bəzi səhifələrdən paylaşımlar göndərirsiz və bəzilərinin barəmizdə yazdıqları fikirlərdən narahatlığınızı ifadə edirsiz. Diqqətiniz üçün təşəkkürlər, çox sağ olun, lakin inanın, yararsız və qeyri ciddi şeylərə görə vaxt itirməyə və narahatlıq keçirməyə dəyməz. Qarşımızda ciddi işlər var, həqiqətən həll ediləsi və illərdən bəri yığılıb qalan xeyli problem var. Şəxsən mən bu aralar əsas diqqətimi seçicilərdən gələn müraciətlərin araşdırılmasına yönəltmişəm”.

Sfera.az xəbər verir ki, bu sözləri millət vəkili Bəhruz Məhərrəmov özünün sosial şəbəkə hesabında yazıb. Yumşalma tədbirlərinə baxmayaraq karantin rejiminin davam etməsi səbəbindən seçicilərlə canlı görüşlərin mümkünsüzlüyünü xatırladan millət vəkili bunları yazıb:

"Lakin bu o demək deyil ki, seçici karantinin sonunu gözləməlidir. Müraciətləriniz, şikayət və təklifləriniz tərəfimdən qəbul edilməkdədir, Məsələn, bu gün seçilərimdən rəsmi qaydada Milli Məclisə daxil olmuş şikayətlərin növbəti partiyasını təhlil edib qruplaşdırararaq Prezident Adminstrasiyasının 2 şöbəsinə, Baş Prokurorluq, Ədliyyə Nazirliyi, Əmək və Əhalinin Sosial Müdafiəsi Nazirliyi, "Azərsu" ASC, habelə Biləsuvar rayon İcra Hakimiyyətinə müraciət etdik. Habelə vətəndaşları maraqlandıran bir neçə məsələ üzrə Kapital Bank və AccessBanka xahiş məktubu göndərdik. Eyni zamanda gün ərzində vətəndaşlarla 16 telefon danışığımız, habelə sosial şəbəkə üzərindən 30-dan çox seçici ilə yazışmamız həyata keçirilib”.

Millət vəkili sondaseçicilərini karantin rejiminin şərtlərinə əməl etməyə çağırıb: "Sizdən də xahişim budur ki, özünüzü qoruyun, sosial məsafəyə diqqət edin, elə edək ki, pandemiyanın ikinci dalğası bizi vurmasın, karantin rejimi də ən qısa müddətdə tam başa çatsın və normal həyat tərzimizə geri dönək”.