Yumurta yeyəndə diqqətli olun! - Bu əlamətlər yaranırsa...
Yumurta qida dəyəri baxımından çox zəngindir və ən çox tövsiyə olunan qidalar arasındadır. Lakin bəzi insanlarda yumurtaya qarşı allergik reaksiyalar ola bilər. Bu halda ehtiyatlı olmaq və zəruri hallarda peşəkar yardım almaq lazımdır.
Sfera.az xəbər verir ki, yumurta allergiyası, ümumiyyətlə, uşaqlarda rast gəlinən və bəzi hallarda ağır ola bilən bir allergiya növüdür.
Mütəxəssislər bildirir ki, bu allergiya ya yumurtanın sarısına, ya da ağına qarşı olur. Çox az insan bütün yumurtaya qarşı allergiyaya malikdir. Gənc yaşda aşkar edilə bilən yumurta allergiyası hətta ölümcül ola bilər.
Yumurta allergiyasının simptomları yumurta istehlak etdikdən və ya dolayı yolla zülal qəbul etdikdən (yeməklərdə və ya salatlarda) dərhal sonra görünə bilər. Bu simptomlardan ən çox nəzərə çarpanı dəri səpgilərinin və ürtikerin (gicitkən dalağı) görünüşüdür.
Burun axıntısı, asqırma və burun qızartısı, eləcə də burun tutulması yumurta allergiyasının simptomları arasındadır. Daha ağır simptomlara qusma, ürəkbulanma, qıcolmalar, öskürək, xırıltılı tənəffüs, nəfəs darlığı, nəbzin sürətli döyünməsi, başgicəllənmə, huşunu itirmə, qəfil istiləşmə və tərləmə daxildir. Çox ağır hallarda huşun itirilməsi və yüksək təzyiq də baş verə bilər.
Yumurta allergiyasının daimi müalicəsi yoxdur. Buna görə də, tibbi müdaxilə yalnız allergik reaksiyaların başlanğıcını aradan qaldırmaqla məhdudlaşır. Yumurta allergiyası olan şəxslər tibbi müalicə almalıdırlar. Bundan əlavə, daha yüngül allergiyalar üçün soğan, cəfəri, gicitkən çayı, cökə çayı və qazlı içkilər kimi qidaların istehlakı tövsiyə olunur. Yumurta allergiyası olan insanlar vegan pəhrizinə riayət etməlidirlər.
Mütəxəssislər məsləhət görür ki, əgər xəstəliyi aradan qaldırmaq mümkün deyilsə, effektiv müalicə vacibdir. Dərman, peyvənd və "sistem" vasitəsilə qısamüddətli müalicələr yalnız qəfil hücumların qarşısını almaq üçündür. Onların davamlı təsiri yoxdur. Buna görə də, yalnız yumurta deyil, həm də yumurta zülalı olan qidalardan - çörək, zefir, mayonez, emal olunmuş ətlər, süd məhsullarından hazırlanan desertlər, krakerlər, zülalla zəngin makaron, badam pastası və pudinqlərdən də çəkinmək lazımdır.
İradə Elsevər
