Messidən yeni rekord

Argentina millisinin kapitanı Lionel Messi dünya çempionatlarının final mərhələsində vurduğu qolların sayına görə Almaniya yığmasının sabiq hücumçusu Miroslav Klosenin rekordunu təkrarlayıb.

Sfera.az bildirir ki, 2026-cı il dünya çempionatının qrup mərhələsinin ilk turunda Əlcəzairə qarşı keçirilən görüşdə het-trik edən Messi komandasının 3:0 hesablı qələbəsində əsas pay sahibi olub.

Bununla da argentinalı ulduz mundialların final mərhələlərində vurduğu qolların sayını 16-ya çatdırıb. Messi altıncı dünya çempionatında iştirak edərkən bu göstəriciyə nail olub. Miroslav Klose isə 16 qolu dörd dünya çempionatında vurmuşdu.

Argentina yığması növbəti oyununu iyunun 22-də Avstriyaya qarşı keçirəcək. J qrupunda yer alan cənubi amerikalılar iyunun 28-də isə İordaniya ilə üz-üzə gələcəklər.

İnci

Sfera.az