Tramp razılıq verdi - Ukrayanaya silah göndərilib

ABŞ Prezidenti Donald Tramp, Ukrayna Prezidenti Volodimir Zelenskinin iyun ayında Haaqada ona təqdim etdiyi hərbi yardım siyahısından bir sıra silahların Kiyevə göndərilməsinə razılıq verib. 

Sfera.az “Washington Post”  nəşrinə istinadən xəbər verir ki, Tramp “Ukrayna tərəfinin Haaqada keçirilən görüşdə Zelenskinin təqdim etdiyi ətraflı siyahıdan bəzi hərbi yardım xahişlərini indi qəbul edib”.

Xatırladaq ki, bundan əvvəl Tramp Ukraynaya silah tədarükünü artırmaq niyyətində olduğunu bəyan etmişdi.

Ötən həftə isə ABŞ administrasiyası bəzi silah növlərinin, xüsusilə hava hücumundan müdafiə raketlərinin Ukraynaya tədarükünü müvəqqəti dayandırdığını açıqlamışdı. Vaşinqton bu addımı ABŞ-nin öz ehtiyatlarının tükənmək üzrə olması ilə izah edib.

Fidan Hacızadə