Zooparkdakı heyvanlar zəlzələyə reaksiyaları ilə təəccübləndirdilər - VİDEO

Aprelin 14-də San Dieqo zooparkında 5,2 bal gücündə zəlzələ baş verən zaman ziyarətçilər və zoopark işçiləri çox təsirli hadisənin şahidi olublar. Belə ki, bölgəni sarsıdan güclü zəlzələ zamanı bir qrup filin körpələrinin ətrafında “qoruyucu halqa” yaratması ilə analıq instinkt nümayiş etdiriblər.


Sfera.az bildirir ki, görüntülərdə beş yetkin filin sarsıntıları hiss etdikdən sonra qrupun ən gənc üzvlərinin ətrafında dövrə çəkdiklərini görmək olar.
 

Hətta zəlzələdən kamera da titrəməyə başlayır, lakin sürü balalarını əhatə edib qoruyaraq möhkəm dayanır. Zoopark rəsmiləri bildiriblər ki, vəziyyət sakitləşdikdən sonra da fillər təhlükəsizliyi təmin etmək üçün bir-birlərinə yaxın qalıblar.


Zoopark işçiləri deyirlər ki, fillərin ayaqları vasitəsilə səsləri hiss etmək, digər heyvanlar və insanlardan əvvəl onlara yeraltı titrəmələri hiss etmək üçün unikal bir qabiliyyət var.
 

Zəlzələ saat 10:08-də episentri San Dieqodan 60 mil aralıda olan Julian yaxınlığında qeydə alınıb. Zərbələr Orange County, Carlsbad, Temecula və Cənubi Kaliforniyanın digər ərazilərində hiss olunub, lakin xəsarət alanlar və dağıntılar barədə məlumat verilməyib.
 

Aysel