Xərçəngin inkişafının qarşısı alına bilər - Alimlərdən KƏŞF
Alimlər xərçəng kimi ciddi xəstəliklərin inkişafını dayandıra biləcək təbii birləşmə kəşf ediblər.
Sfera.az “Haber Global”a istinadən xəbər verir ki, bitki mənşəli bu maddə laboratoriya testlərində mühüm bir fermenti təsirsiz hala gətirir. İndi onun müalicəvi təsirləri araşdırılır.
Alimlər bəzi xərçəng növlərinin və sinir hüceyrələrinə zərər verən xəstəliklərin, məsələn, dağınıq sklerozun (MS) inkişafını dayandıra biləcəyini bildiriblər. Oreqon Sağlamlıq və Elm Universiteti (OHSU) tərəfindən aparılan bu araşdırma, Portland Universitetində tələbələrin uzun illər ərzində apardıqları işlər sayəsində müəyyənləşib. Müayinələr zamanı bitkilərdə tapılan sulfuretin adlı flavonoid birləşmənin xərçəng və MS ilə əlaqəli əhəmiyyətli bir fermenti təsirsiz hala gətirdiyi müəyyən edilib.
Bu maddənin terapevtik təsirini, təhlükəsizliyini və mümkün yan təsirlərini araşdırmaq üçün heyvanlar üzərində sınaqdan keçirilməsi planlaşdırılır.
Fidan Hacızadə
