"Bu müstəqillik tarixinin ən böyük büdcəsidir" - Deputat

"Bu gün müstəqillik tarixinin ən böyük büdcəsini müzakirə edirik”.

Sfera.az xəbər verir ki, bunu deputat Vüqar Bayramov Milli Məclisin bugünkü plenar iclasında deyib. 

“Növbəti ilin dövlət büdcəsindən həm prioritet istiqamətlərə, o cümlədən milli təhlükəsizliyimizin daha da gücləndirilməsi, həmçinin sosial istiqamətlərə vəsaitin ayrılması onu göstərir ki, 2025-ci ilin dövlət büdcəsi Azərbaycanda iqtisadi və fiskal hədəflərə uyğun hazırlanmış bir sənəddir. 2025-ci ildə dövlət büdcəsindən ayrılan hər 100 manatdan 45-i sosial sahəyə yönələcək. Qarabağ və Şərqi Zəngəzura 4 milyard ayrılması Vətən müharibəsindən sonra, 2025-ci il də daxil olmaqla, ümumilikdə 22 milyard manatın ayrılması anlamına gəlir”, - millət vəkili bildirib.

V.Bayramovun sözlərinə görə, büdcə gəlirlərinin iqtisadi proqnozlaşdırılmada yeni metodlara ehtiyacı var:

“2017-ci ildən etibarən milli valyutanın stabilliyinin qorunub saxlanılmasını müşahidə edirik. Fiskal- iqtisadi siyasətin tam uyğunlaşdırılması və valyuta bazarına təsirinin təhlilinə ehtiyac var. Nağd pulun artımı da müşahidə olunur. Belə ki, bu rəqəm 16.8 milyard manatdan 17.2 milyard manata yüksəlib”. 

Firuzə Əliyeva