Rusiyada yenidən meymunçiçəyi aşkarlandı

Sərhəd Rusiyada yenidən meymunçiçəyi virusuna yoluxma halı qeydə alınıb.

Sfera.az xəbər verir ki, Sankt-Peterburqda iki virus daşıyıcısının olduğu bildirilib. Onlardan hər ikisi kişidir və Çindən qayıdan rus turistlərdir .

Eyni şəhərdə Rusiyada ilk meymun çiçəyi hadisəsi 2022-ci ildə qeydə alınıb. 2 il öncə yoluxma Portuqaliyadan qayıdan gəncdə aşkarlanıb. Həmin şəxsdə bu xəstəliyə xas olan qızartı ilə səpgilər mövcud olub.

“Turizm mövsümünü nəzərə alaraq, meymun çiçəyinin idxalı riskləri var. Meymun xəstəliyinin kliniki təzahürləri olan bütün xəstələr, xüsusən əlverişsiz ölkələrdən gələnlər, həkimlərin nəzarəti altındadır və müvafiq müayinə və müalicədən keçirlər”, - deyə Sankt-Peterburq üzrə səhiyyə xidməti məlumat yayıb.
 

Rusiyalı epidemioloq Viktor Lariçevin bildirdiyinə görə, infeksiya əsas simptomlarla - qızdırma və səpgilərlə müəyyən edilə bilər. O, həmçinin əlavə edib ki, səpgilər bədənin hər yerində görünə bilər.

İnci