İsrail və HƏMAS arasında daimi atəşkəs olacaq? - Tərəflər müzakirədə...

İsrail hökuməti və Fələstinin HƏMAS hərəkatı danışıqlar prosesində irəliləyib, tərəflər ən azı bir ay davam edəcək humanitar fasilə barədə razılığa gəliblər.

Sfera.az xəbər verir ki, bu barədə "NBC News" adı açıqlanmayan diplomatlara istinadən məlumat yayıb.

Jurnalistlərin fikrincə, belə bir təşəbbüs hazırda Qəzza zolağında münaqişənin hər iki tərəfində müzakirə olunur.

Qeyd olunur ki, humanitar pauza ilə bağlı danışıqlar gələcəkdə daha böyük sazişin tərkib hissəsidir.

"İsrail və HƏMAS arasında atəşkəsə nail olmaq üçün danışıqlar irəliləyir... Bir və ya daha çox aylıq humanitar atəşkəs təklifi, bundan sonra daimi atəşkəs olacaq", - telekanal qeyd edib.

Qeyd edək ki, HƏMAS-la İsrail arasında müharibə 2023-cü ildə oktyabrın 7-də başlayıb.

Əzizə