Tanınmış idmançıya səhv cərimə gəldi: “Bu da bizim radarlar” - FOTO
Media
13:38 / 21.06.2023
5903
Tanınmış idmançı, taekvondo ustası Aynur Ağayevaya yol hərəkəti qaydalarını pozduğuna görə radar cəriməsi göndərilib.
Sfera.az bildirir ki, bu barədə idmançı sosial media hesabında paylaşım edib. O, cərimənin ona aid olmadığını vurğulayıb:
“Mayın 23-ü yol hərəkəti qaydalarını pozduğuma görə mənə cərimə gəlib. İndi cəriməni ödəmək istəyəndə harada qayda pozduğuma baxdım. Bakı-Qazax yolunda “Mercedes” markalı qazel maşın sürmüşəm xəbərim yoxdur, bu da bizim doğru-düzgün işləyən radarlar…”.
İdmançı vətəndaşlara xəbərdarlıq da edib: “Cərimə gələrkən kimsə foto-videolara baxmadan ödəniş etməsin. Burada nə marka, nə seriya mənim deyil. Yalnız nömrə uyğun gəldiyi üçün cəriməni mənim adıma vurublar…İndi mən hara şikayət edim?”.
Türkan