Bu gün Milli Məclisin iki komitəsinin birgə iclasında “Azərbaycan Respublikasının Şəhərsalma və Tikinti Məcəlləsi”nə dəyişikliklər müzakirə olunub. Dəyişikliklərə əsasən, 2023-cü il martın 1-dək inşa edilmiş, lakin etibarlılıq və təhlükəsizlik tələblərinə uyğunluğuna dair rəyi təqdim edən qeyri-yaşayış sahələri çıxarış (“kupça”) ilə təmin ediləcək. 

Sfera.az xəbər verir ki, iqtisadçı, millət vəkili Vüqar Bayramov sözügedən dəyişikliyi şərh edib. 

Millət vəkili deyib ki, bu dəyişiklik bütün sənədsiz evlərə aid ediləcək:

“Hətta tikintisi adıçəkilən Məcəllənin tələblərinə uyğun aparılmayan, amma etibarlılığı və təhlükəsizliyi olan bütün qeyri-yaşayış sahələrinin istismarına icazə veriləcək. İlkin qiymətləndirmələrə görə bu sadələşdirmə 40 mindən çox obyekti əhatə edəcək.

Digər dəyişikliklər ilə istismar proseduralarının daha da sadələşdirilməsi və elektronlaşması nəzərdə tutulur. Bu baxımdan, dəyişikliklər daşınmaz əmlak sektorunda şəffaflığın daha da artmasına və sənədləşmənin sürətlənməsinə xidmət edəcək”.

V.Bayramov qeyd edib ki, müzakirələrdə növbəti mərhələdə 500 mindən çox sənədsiz fərdi evlərə də çıxarışların verilməsinin sürətləndirilməsinin vacbliyi qeyd olunub. 

Vasif