Rusiyada daha bir biabırçılıq - 69 yaşlı qadın ordunun nüfuzunu salmaqda ittiham olundu
Rusiyada sanatoriyada müalicə alan Kabardin-Balkardan olan 69 yaşlı təqaüdçü Olqa Sleqinanın Rusiya ordusunun nüfuzdan salınması ilə bağlı protokol tərtib edilib.
“Söhbət zamanı Slegina bildirib ki, ukraynalılar böyükdür – onlar öz ölkələrini müdafiə edirlər, Ukrayna prezidenti Vladimir Zelenski isə ağıllı və yaraşıqlı insandır”– deyə sanatoriyanın tibb işçiləri bildirib.
Sfera.az bildirir ki, yaşlı qadının donosunu iki ofisiant həmin vaxt sanatoriyada istirahət edən Federal Penitensiar Xidmətin təqaüddə olan əməkdaşı ilə birgə yazıb.
Jurnalistlərin fikrincə, Rusiya ordusunun gözdən salınması ilə bağlı protokolda Olqa Sleqinanın demədiyi sözlər var. Məsələn, guya təqaüdçü Vladimir Zelenskinin tezliklə Rusiyanı ələ keçirəcəyini və sonra hamının özünü pis hiss edəcəyini söyləyib.
Bir neçə gündən sonra hüquq-mühafizə orqanlarının nümayəndələri sanatoriyaya gələrək Sleqini polis bölməsinə aparıblar. Qadını həbs etməklə hədələyib və telefonun içindəkiləri verməsini tələb ediblər.
Rusiya mətbuatı onu da yazır ki, polis rəislərindən biri qadından onun haradan gəldiyini və qohumları arasında ukraynalıların olub-olmadığını soruşub. Dindirilmənin sonunda o, Nalçik şəhər məhkəməsinə aparılıb. Hakimin iş yerində olmaması səbəbilə təqsirləndirilən şəxs sərbəst buraxılıb.
Dekabrın 29-da isə yaşlı qadına telefonla bildirilib ki, ertəsi gün məhkəmə iclasına gəlməlidir. Dekabrın 30-da polis sanatoriyaya gəlib və ona məhkəməyə gəlməsinin zəruriliyi barədə bir daha məlumat verib.
Olqa Slegina səhhətinin pis olduğunu əsas gətirərək iclasa qatılmaqdan imtina edib. O, həmçinin qeyd edib ki, əri əvvəllər Federal Penitensiar Xidmətin strukturlarında həkim işləyib.
Xatırladaq ki, Krımda da üç nəfər ictimai yerlərdə ukrayna mahnıları ifa etdiyinə görə həbs edilib. Krımlılar "Rusiya Federasiyası Silahlı Qüvvələrini gözdən salmaqda" və nasist əşyaları və ya simvollarını ictimai şəkildə nümayiş etdirməkdə ittiham olunublar.
Aysel
