ABŞ prezidenti Bayden az qala hər gün maraqlı davranışları ilə gündəmdədir. Bir gün podiumdan enməyə, bir gün qarşısında olmayan bir adamla əl sıxmağa çalışır. Bu dəfə körpünün açılışına qatılan Bayden arxasındakı boşluğa çevrilərək çıxış etməsi ilə hər kəsin heyrətinə səbəb olmuşdu.

Sfera.az xəbər verir ki, 79 yaşlı ABŞ prezidentinin davranışları insanları onun səhhətinin qaydasında olmadığı qənaətinə gətirir. Baydenin ötən gün podiumda etdikləri də görənləri heyrətə salıb.
 

9 ay əvvəl Pensilvaniya Fern Hollow körpüsünün təmirdən sonra açılışda ABŞ prezidenti Co Bayden çıxış edib. Çıxışı bitdikdən sonra Bayden arxasına dönüb bir müddət də söhbətə davam edib. Daha sonra təkrar arxaya dönüb podiumda dayanan Bayden kürsüdən enərkən çaşqın görünsə də, birtəhər yolu tapıb.


Bundan əvvəl ABŞ prezidenti Kolorado ştatının Vail şəhərindəki çıxışında səhvən oğlu Bounun “İraqda öldüyünü” bildirib.

“Mən bunu bir insan atası kimi deyirəm. Xidmət medalı olan oğlum Bürünc Ulduz qazandı və İraqda öldü".
 

Qeyd edək ki, Baydenin oğlu Bounun xərçəngdən vəfat edib.



Bayden qatıldığı konfransda çıxışı zamanı ötən aylarda yol qəzasında ölən İndiana konqresmeni Ceki Uolorskiyə zəng etməsi ilə də hər kəsin çaşqınlığına səbəb olmuşdu.

Aynil