Maraqlıdır, Rusyanın iki sərhəd qonşusunun NATO-ya üzvlük məsələsi necə sonlanacaq?

Mövzu ilə bağlı Sfera.az-a danışan politoloq Natiq Miri İsveç və Finlandiyanın terrorçulara ev sahibliyini etdiyini və bu yöndə Türkiyənin tələblərinin olacağını bildirib:

"Türkiyə NATO-nun genişlənməsi siyasətinə qarşı çıxmır. Lakin Türkiyənin İsveç və Finlandiyanın üzvlük haqqı ilə bağlı müəyyən iddiaları var. Bu gün İsveçdə PKK terrorçuları, PYD və YPG qüvvələri siyasi və maliyyə anlamında dəstəklənir. Bu terrorçu qüvvələrə dövlət səviyyəsində logistik dəstək verilir. Bu azmış kimi zaman-zaman İsveç XİN rəhbəri hətta Türkiyəyə terror qruplarına qarşı mübarizəsində bəyanat verir. Finlandiya İsveçə nisbətdə terrorçulara ev sahibliyi etmək yönündə nisbətən zəif qalır və bu yöndə Türkiyədən hansısa tələbləri yoxdur. Lakin Finlandiya da Skandinaviya ölkəsi kimi  Türkiyənin terror əleyhinə mübarizəsində terrorçulara müəyyən mənada dəstək verir və onların Finlandiyada yerləşməsinə köməklik edir”. 

"Türkiyənin də tələbi belədir ki, bu dəstək dayandırılmalı və terrorçu qruplara ev sahibliyi etməməkə bağlı öhdəlik götürülməlidir. Bu, yalnız NATO ilə bağlı yox, həm də Avropa Birliyində olan ölkələrdə tüğyan edən PKK fəaliyyəti ilə bağlıdır. Türkiyə NATO-ya üzv olan ölkələrin bu məsələdə səmimi olmasını istəyir. Düşünürəm ki, Türkiyənin tələbi təbii və doğrudur. Qardaş ölkə belə bir strateji anda özünün NATO-dakı durumundan istifadə edərək ən azından Türkiyə əleyhinə olan terroru dəstəkləmə siyasətinə son vermək istəyir. Türkiyə buna nail olacaq. Finlandiya bu yöndə razlığını verib və İsveç də bu tələbə qarşı olmayacaq”.