"Apple" bu cihazların istehsalını dayandırır
Media
12:18 / 11.05.2022
1440
"Apple” şirkəti 21 ildən sonra "iPod Touch” istehsalını dayandırmaq qərarına gəlib.
Sfera.az bildirir ki, şirkət məhsulun satışının isə ehtiyatlar tükənənə qədər davam edəcəyini açıqlayıb.
Qurumun ümumdünya marketinq üzrə vitse-prezidenti Qreq Cosvik cihazın musiqinin necə kəşf edildiyini, dinlənildiyini və paylaşıldığını yenidən müəyyənləşdirdiyini söyləyib. "CCS Insight”dan Ben Vud isə bildirib ki, "iPhone”un bir gün "iPod” cihazlarını əvəz etməsi qaçınılmazdır. "Apple "iPhone”u yaradanda bunun "iPod”lar üçün son olacağını bilirdi.
Xatırladaq ki, cihaz sonuncu dəfə 2019-cu ildə yenilənib. MP3 pleyerin istehsalına 2001-ci ildə başlanılıb. Həmin cihaza 1000 mahnı yükləmək mümkün olurdu. Hazırda "Apple”ın musiqi xidməti "Apple Music” 90 milyondan çox musiqiyə malikdir.
Günay Rəsulqızı
Sfera.az
