Makronun ilginc bəyanatı, Zelenskinin israrlı mövqeyi – Kimin arzusunun reallaşacağına bu ölkə qərar verəcək...

Ukrayna Prezidenti Zelenski isə öz növbəsində sözügedən quruma üzv olmaqda ciddi şəkildə maraqlı və israrlıdır.

Məsələ ilə bağlı Sfera.az-a danışan politoloq Zaur Məmmədov Ukraynanın NATO-ya daxil olmasının ABŞ-dan asılı olduğunu deyib:

"Ukraynanın Avropa İttifaqına daxil olub-olmaması ilə bağlı prinsipial qərarı ABŞ verəcək. İstər NATO, istərsə Avropa İttifaqı olsun, oradakı proseslərə birbaşa olaraq okeanın o tayındakı qruplar müdaxilə edirlər. Makronun dediyini biz iki istiqamətdə müzakirə edə bilərik. Birincisi, ola bilər ki, Fransa liderinin dili ilə Zelenskiyə çatdırılır ki, Ukraynanın Avropa İttifaqına daxil olması hələlik mümkün deyil. Digər tərəfdən isə Makron uzun müddət idi ki, Merkellə birgə Avropa İttifaqına üzv dövlətlərin sayının yaxın illərdə artırılmasının tərəfdarı deyildilər. İttifaq ciddi şəkildə iqtisadi maliyyə böhranı keçirdi. Bir müddət genişlənmə siyasəti aparan Avropa İttifaqı nəticə etibarilə Mərkəzi, Qərbi Avropa ölkələri kimi eyni gücə malik olmayan dövlətləri qəbul etdilər. Nəticədə iqtisadi böhranlar yarandı”. 

"Ukrayna məsələsinə gəldikdə isə Zelenski başa düşür ki, Avropa İttifaqına və NATO-ya təcili şəkildə daxil olmaq mövcud prosedurlara görə mümkün deyil. Digər tərəfdən, onlar Ukraynaya güzəştə gedə bilərlər. Belə ki, Ukraynaya Rusiya ilə apardığı müharibə, ərazi bütövlüyünün pozulması, Avropa İttifaqındakı təhlükəsizlikdə rolu kimi nüanslara görə güzəşt etmək olar. Kiyevə güzəşt edilməsə, bu, Qərbin xislətinin əsl nümunəsi olacaq. Faktiki olaraq bu gün Ukrayna xalqı ilə rus xalqı arasında deyil, Rusiya ilə Qərb arasında ciddi şəkildə müharibə gedir. Bu, Qərbin təhlükəsizliyi üçün vacib faktordur. Ukrayna asan şəkildə məğlub olsaydı, rus qoşunu artıq Polşa sərhədində idi. Hər bir halda Makronun çıxışı yeni bir məna kəsb etmir”.