Maraqlıdır, neftin qiymətinin artmasının bizim üçün hansı təsirləri ola bilər?

Mövzu ilə bağlı Sfera.az-a danışan iqtisadçı-ekspert Natiq Cəfərli qiymətlərin yüksəlməsinin ölkə iqtisadiyyatı üçün  faydalı ola biləcəyini deyib: 

"Azərbaycan neft-qaz gəlirlərindən, xüsusilə də neft gəlirlərindən çox asılıdır. Neftin qiymətində artımın olması valyuta gəlirlərini artıra bilər. Bundan başqa makroiqtisadi göstəricilər və ÜDM göstəriciləridə bununla yaxşılaşacaq. Bu səbəblə neftin qiymətinin artmasının Azərbaycan üçün yalnız faydası olacaq”.

Ekspert neftin qiymətinin artması ilə maaşların da arta biləcəyini deyib:

"Azərlight” neftinin də qiymətinin 110 dolları keçməsi ümumilikdə götürəndə ölkə üçün müsbət bir tendensiyadır. Ona görə ki, dünyada neft nə qədər bahalaşırsa, Azərbaycanın valyuta ehtiyatları bir o qədər arta bilir. Azərbaycan neftinin qiymətinin artmasının ölkə iqtisadiyyatına müsbət təsiri olacaq. Ölkənin gəlirləri artırsa, neftin qiymətininin yüksəlməsi ölkəyə əlavə gəlirlər gətirir. Valyuta ehtiyatlarının çox olması hökumətin sosial layihələrə daha çox pul ayıra bilməsinə imkan yaradır. Beləliklə, maaşlarda, təqaüdlərdə də artım olur”.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25%-dir.