Sfera.az bildirir ki, Rusiya xəbər agentliyi "RİA” sözügedən simvolun qanla çəkildiyini və fövqəltəbii qüvvələrlə əlaqəli olduğunu iddia edib. 

Ukrayna əsgərlərinin qara magiyadan istifadə etdiyinə dair ciddi əlamətlərin olduğunu bildirən agentlik, onun "şeytanın möhürü” olduğunu bildirib və bu ifadələri qeyd edib: "Ukraynalıların silahlarına xeyir-dua verməyə və qanla işarələr çəkməyə çalışdıqlarını görmüşük. Simvollar sayəsində ərazilərini enerji ilə doldurmağa və daha çox ziyan vurmağa ümid edirlər”.

Rus kulturoloq və filosof Yekaterina Dais qara mürəkkəblə çəkilmiş simvolun "qaranlıq qüvvələrin sehrli möhürü” olduğunu deyib. O, ukraynalıların silahlarını gücləndirmək üçün ayinlər yerinə yetirdiklərini və fövqəltəbii qüvvələrdən onlara əlavə silah göndərilməsini istədiklərini söyləyib. Simvolu tədqiq edən alim, "Bu, çoxlu kəsişən xətlərdən ibarət sehrli bir simvoldur. Bunun nə demək olduğunu dəqiq söyləmək çətindir. Kim edibsə, əlini qaldırmadan çəkib. Simvolun altında yazılan "zain”  ibrani dilində "qılınc” deməkdir”.

Qeyd edək ki, bu yaxınlarda Rusiya keşişlərinin Ukraynanın hədəfində olan Belqorod yaxınlığındakı Starıy Oskol qəsəbəsinə hərbi helikopterə minərək havadan xeyir-dua verdiyi görülüb. Görüntülərin sosial şəbəkələrdə yayılması, "Putinin işi Allaha qalır”, "Putin möcüzə gözləyir” kimi şərhlərə səbəb olub. Ukraynalılar isə Rusiya liderinin fövqəladə qüvvələrdən yardım umduğunu deyiblər.