"Biz bunun üçün imkanlarımızı nəzərdən keçiririk. Həmçinin tanınmamış Dnestryanı bölgədə gərginliyin qarşısını almalıyıq. Bu, çox vacibdir”, - o söyləyib.

Bu fonda maraqlıdır, Rusiya Modovaya hücum edəcək?

Bununla bağlı Sfera.az-a açıqlama verən politoloq Nazim Cəfərsoy deyib ki,  Moldovaya hücum və Dnester bölgəsində qarışıqlıq çıxarmaq bugünkü şərtlərdə hələlik Rusiyanın marağında deyil:

"Orada onsuz da rus ordusu var, qondarma rejim Rusiya tərəfdarıdır. Dnester barədə Rusiya üçün problem o bölgə ilə birbaşa əlaqənin olmaması sayıla bilər. Ancaq Rusiya Odessa bölgesini ələ keçirsə, Kreml üçün bu mövzu həll olunacaq. Bundan başqa Dnesterdeki hərbi gücün - 1700 rus hərbçisi və 15 min separatistin Ukraynaya hücumu müharibənin taleyində həlledici rol oynaya bilməz. Tam tərsi, Rusiya üçün hərbi cəbhəni genişləndirə və prosesə Moldovanın da daxil edilməsi nəticəsini doğurar”.

N.Cəfərsoy qeyd edib, mövcud strateji mənzərədə bu prosesə NATO üzvü Rumıniyanın və onun üzərindən NATO-nun hərbi formada qarışması təhlükənin artması deməkdir:

"Bu da Rusiya üçün əlavə ciddi problemlər yarada bilər. Dnester məsələsində Kremlin şübhələr artıran müəyyən ikibaşlı mesajlar verməsi isə taktiki baxımdan Ukraynaya Odessa konteksində  təzyiqi artırmaq, spesifik olaraq Moldova və Rumıniyanı da Ukraynaya dəstəkdən çəkindirmək mahiyyəti daşıyır. Ancaq Dnesteryanı bölgədə və Rusiyadakı dairələrdə bunu istəyən bir lobbi də var. Bu konyekturada  cəbhəni genişlətmə Ukraynanın marağına daha uyğundur. Rəsmi Kiyev onsuz da prosesə öz tərəfindən daha çox ölkənin cəlb olunması istəyi və cəhdlərini açıqca göstərir”.