10 aylıq qızına narkotik verib öldürməkdə ittiham olunurdu - Məşhur yazıçının oğlu öldü
Media
15:41 / 28.04.2022
1856
Ötən həftələrdə ABŞ-dakı evində 10 aylıq qızına narkotik maddə verərək öldürdüyü iddiası ilə həbs edilən yazıçı Pol Austerin oğlu Daniel vəfat edib.
Sfera.az bildirir ki, buna səbəb onun həddindən artıq doza narkotik qəbul etməsi olub. Səlahiyyətlilər bunun təsadüfən baş verdiyini deyib. Onların sözlərinə görə, Daniel bilərəkdən narkotikin çox dozasını qəbul etməyib, bunu edərkən fərqində olmadığı irəli sürülüb.
Xatırladaq ki, 10 aylıq qızı Rubi ilə Nyu-Yorkda mənzildə yaşayan Daniel noyabrın 1-də təcili yardım xidmətinə zəng edərək qızının huşunu itirdiyini və reaksiya vermədiyini bildirib. Azyaşlının qanında həddindən artıq dozada narkotik müəyyən olunub. Balaca körpənin narkotikə necə məruz qaldığı hələ də araşdırılır. Daniel isə aprelin 15-də həbs edilib, qətl və ehtiyatsızlıqda ittiham olunub.
Danielin atası, yazıçı Pol Austerin "The New York Trilogy”, "The Book of Illusions” və "Moon Palace” kitabları bir çox beynəlxalq mükafatlara layiq görülüb. Onun anası, yazıçı və tərcüməçi Lidiya Devis 1978-ci ildə Osterdən boşanıb.
Türkan
Sfera.az
