Rusiya-Ukrayna müharibəsi ALOVLANIR: “Britaniya diplomatlarını da güllələyə bilərik”

 

Sfera.az bildirir ki, Rusiya bu cür davam edəcəyi halda, Kiyevdəki diplomatların "qərar qəbuletmə mərkəzlərini” vurmağa hazır olduqlarını açıqlayıb. Bəyanat, Britaniya Müdafiə Nazirliyinin rəsmisinin Ukraynanın Rusiyadakı hərbi hədəflərə qarşı Britaniya tərəfindən təchiz edilmiş silahlardan istifadə etməsinin "problem olmadığını” söyləməsindən sonra verilib. 

"İnterfaks” xəbər agentliyinin məlumatına görə, Rusiya Müdafiə Nazirliyi "London birbaşa Kiyev rejimini bu cür fəaliyyətlərə - Rusiya ərazisinə hücum etməyə təhrik etsə, biz dərhal cavab verəcəyik. Qərb ölkələrinin məsləhətçilərinin Kiyevdəki qərar qəbuletmə mərkəzlərində olması Rusiyanın cavab addımı atmaq qərarına təsir edə bilməz”, - deyə qeyd edib.

Digər tərəfdən, Rusiyanın xarici işlər naziri Sergey Lavrov da Qərb ölkələrinin Ukraynanı silahla təmin etməklə odun üstünə benzin tökdüklərini vurğulayıb. Lavrov dəfələrlə xəbərdarlıq edib ki, münaqişə üçüncü dünya müharibəsinə gətirib çıxara bilər. Kreml Londonun Ukraynaya verdiyi dəstəyə görə Britaniyadakı hərbi obyektləri hədəfə ala biləcəyi barədə xəbərdarlıq etsə də, Heappinin Rusiyanı bombalaması ilə bağlı "təxribatçı” çıxışından sonra Britaniya diplomatlarını da güllələyə biləcəyini açıqlayıb. 

Rusiya Xarici İşlər Nazirliyinin sözçüsü Mariya Zaxarova Ukraynaya silah verən NATO ölkələrinə qarşı hücumlara icazə verilə biləcəyini irəli sürüb və "Siz başa düşürsünüz ki, Rusiya Kiyev rejimini silahla təmin edən NATO ölkələrinin ərazisindəki hərbi hədəfləri vura bilər”, - deyərək xəbərdarlıq edib.