Rusiyada avtomobil satışı 3 dəfə azalacaq - DİLLERLƏR ŞOKDADIR
14:57 / 20.04.2022
1454
Rusiyanın avtomobil dillerləri 2022-ci ildə ölkədə yeni avtomobillərin satışının iki-üç dəfə azalacağını gözləyirlər.
Sfera.az "RİA Novosti”yə istinadən xəbər verir ki, bu haqda məlumatı Rusiya Avtomobil Dillerləri Assosiasiyasının (ROAD) prezidenti Vyaçeslav Zubarev bildirib.
Vasif
Sfera.az
"Son iki ildə bazarda maşın qıtlığı var idi və çox yüksək alış aktivliyi müşahidə edilirdi. Sanksiyalardan sonra hər şey bir anda dəyişib. Bu gün avtosalonlara gələn və ya zəng edib maşın sifariş edən müştərilərin sayı olduqca azdır”, - deyən Zubarev söyləyib ki, bu il yeni avtomobillərin satış dövriyyəsinin həcmi əhəmiyyətli dərəcədə kiçiləcək:
"Azalmanın nə qədər olacağını öncədən proqnozlaşdırmaq mümkün deyil. Bazar hələ də ciddi şoklardan xilas ola bilməyib. Şokların təsiri getdikcə daha çox hiss olunur və yəqin ki, satışların ən azı 2-3 dəfə azalacağı ehtimalı güclüdür”.
Avropa Biznesləri Assosiasiyasının (AEB) məlumatına görə, 2022-ci ilin birinci rübündə Rusiyada yeni minik avtomobilləri və kiçik avtomobillərin satışı 28,4% azalaraq 277,3 min ədəd olub.
Vasif
Sfera.az
