"Ermənistanda inqilab, hərbi çevriliş və ya sui-qəsd baş verəcək" - PROQNOZ
"İrəvanda Paşinyana qarşı təşkil olunan aksiyalar, paralel olaraq Qarabağın dağlıq hissəsində "DQR" törtöküntülərinin həm hərbi, həm də siyasi fəallaşması vəziyyətin gərginləşəcəyinə açıq mesajdır”.
Sfera.az bildirir ki, bunu "Şərq-Qərb” Araşdırmalar Mərkəzinin rəhbəri, politoloq Ərəstun Oruclu deyib. Politoloq qeyd edib ki, Ermənistanda qiyam, inqilab, hərbi çevriliş, sui-qəsd və ya hər hansı oxşar bir hadisə baş verən kimi, Azərbaycan iki mühüm addımı atmalıdır:
"Birincisi, Rusiyadan Azərbaycan ərazisindəki "sülhməramlılarını" müəyyən zaman ərzində - məsələn, 48 saat - çıxarmağı tələb etməliyik. İkincisi, verilən vaxt başa çatan kimi antiterror əməliyyatına başlamalı və yaraqlıları tərksilah etməliyik”.
Ekspert deyib ki, əks halda hər şey status-kvo (1988) vəziyyətinə qayıdacaq: "Azərbaycan isə, bu qarayaradan tarix boyu qurtula bilməyəcək”.
Günay Rəsulqızı
Sfera.az
