Conni Depp keçmiş həyat yoldaşını yenə məhkəməyə verdi - 50 milyon dollarlıq iddia
Media
11:23 / 12.04.2022
1313
Hollivud ulduzu Conni Deppin keçmiş həyat yoldaşı Amber Hörd yenidən məşhur aktyorla məhkəməlik olub.
Sfera.az bildirir ki, İngiltərədə açdığı davada uduzan aktyor Amberə qarşı bu dəfə ABŞ-da 50 milyon dollarlıq böhtan iddiası qaldırıb. Aktrisa isə ulduza 100 milyon dollarlıq əks iddia ilə cavab verib.
Məlumata görə, məhkəmə prosesi bu gün Virciniya ştatında baş tutacaq. Amber Hörd bununla bağlı verdiyi açıqlamada, "Conni məişət zorakılığı və zorakılıq təcrübələrimi paylaşdığım, "The Washington Post”da yayımlanan məqaləyə görə məni məhkəməyə verdi. Yazıda heç vaxt onun adından istifadə etməmişəm. Sadəcə olaraq güclü kişilərə qarşı çıxan qadınların üzləşdikləri ilə bağlı fikirlərimi bildirdim. Ümid edirəm ki, bu proses bitər və biz yolumuza davam edə bilərik. Həmişə Connini sevmişəm, keçmişimizin təfərrüatlarını dünya qarşısında bölüşmək mənə ağrı verir”, - deyə söyləyib.
Xatırladaq ki, Depp "The Sun” qəzetini və baş redaktoru Den Vuttonu da 2018-ci ildə onu "arvadını döyən kişi" kimi qələmə verən məqaləyə görə məhkəməyə verib. Bununla belə, İngiltərədə hər iki iş Conni Depp əleyhinə həll olunub.
Conni Depp-Amber Hörd cütlüyün 2015-2017-ci illər arasında davam edən səs-küylü evliliyi aktrisanın zorakılığa məruz qaldığını iddia etməsindən sonra bitib.
Türkan
Sfera.az
