Rusiya Slovakiyanın Kiyevə verdiyi \"S-300\"ləri vurdu: \"Geriyə heç bir şey qalmadı...\"
14:21 / 11.04.2022
940
Rusiya ordusu Avropanın tədarük etdiyi S-300 hava hücumundan müdafiə sistemini Ukraynanın Dnepr şəhəri yaxınlığında məhv edib.
Sfera.az bildirir ki, bu barədə Rusiya tərəfi məlumat yayıb.
İzyum şəhəri yaxınlığında iki Ukrayna SU-25 döyüş təyyarəsinin də vurulduğu açıqlanıb.
Hərbi məntəqələrlə yanaşı, mülki əraziləri də hədəfə almağa davam edən Rusiya əsgərləri dünən Dnepr hava limanını da vurub.
Hücumdan sonra sosial media hesabından açıqlama verən Dnepr vilayətinin qubernatoru Valentin Rezniçenko,"Dnepr hava limanına təkrar hücum olub. Hava limanından heç bir şey qalmadı. Hava limanı və ətrafdakı strukturlar dağıdılıb. Raketlər uçuşa davam edir. Qurbanların sayını müəyyənləşdirməyə çalışırıq”, - deyə söyləyib.
Qeyd edək ki, Slovakiyanın baş naziri Eduard Heqer aprelin 8-də Ukraynaya S-300 hava hücumundan müdafiə sistemi verdiyini demişdi. Heqer, "Ukrayna xalqı həm öz ölkəsinin, həm də bizim suverenliyimizi cəsarətlə müdafiə edir. Rusiyanın hücumları altında insan itkisinə biganə qalmamaq və kömək etmək bizim borcumuzdur", - deyə bildirmişdi.
Günay Rəsulqızı
Sfera.az
