DİM imtahan vaxtını yanlış göndərib? - "Bu, sadəcə bəhanə ola bilər" - AÇIQLAMA

Belə ki, DİM-in abituriyentə imtahanın keçirilməsi zamanı ilə bağlı göndərdiyi mesajda ötən ilin tarixi göstərilib. Eyni zamanda bildirilib ki, tələbə göndərilən yanlış mesajla əlaqədar imtahana getməyib.

Məsələ ilə əlaqədar Dövlət İmtahan Mərkəzinin (DİM) Mətbuatla iş sektorunun müdiri Xanlar Xanlarzadə ilə əlaqə saxladıq. DİM rəsmisi Sfera.az-a açıqlamasında abituriyentin imtahana getməməsinin sadəcə bəhanə ola biləcəyini deyib:

"İmtahanda iştirak etmək istəyən əvvəlcədən qeydiyyatdan keçir və 1 həftə-10 gün qalmış DİM-in saytından buraxılış vərəqəsini çap edib imtahana gedir. Məsələ bu qədər sadədir. SMS buraxılış vərəqəsini vaxtında çap etməyənlər üçün xatırlatma məqsədilə göndərilir və orada da vərəqi çap etmək üçün link yerləşdirilib. Kimlər imtahana getmək istəyirsə, linkə daxil olub buraxılış vərəqəsini çap edir. İştirak etmək istəməyənlər üçün bu sadəcə bir bəhanə ola bilər”.