Lavrovdan müharibə ilə bağlı sevindirici AÇIQLAMA: “İrəliləyiş var…”
Media
15:51 / 01.04.2022
1324
Rusiyanın
xarici işlər naziri Sergey Lavrov İstanbulda Ukrayna ilə danışıqlardan sonra
açıqlama verib.
Ukraynanın
təklifinə görə, Krımın ilhaqı ilə bağlı danışıqlar yalnız tam atəşkəslə
başlayacaq və danışıqlar 15 il davam edəcək. Donbasın statusu ilə bağlı müzakirələr
Ukrayna prezidenti Zelenski ilə Rusiya prezidenti Putin arasında şəxsən baş
tutacaq. Nümayəndə heyətlərinin razılaşacağı sülh sazişi Ukraynada keçiriləcəkreferendumda səsə qoyulacaq.
Sfera.az xəbər verir ki, Ukrayna
nümayəndə heyətinin təqdim etdiyi təklifə yazılı cavab verməyə hazırlaşdıqlarını
ifadə edən Lavrov, "Danışıqlarda irəliləyiş var. Krım və Donbassla bağlı anlaşma əldə olundu", - deyə bildirib.
Onun sözlərinə
görə, Rusiya-Ukrayna müharibəsi fonunda tərəflərin görüşləri və bəzi məsələlər üzrə danışıqlar davam etdiriləcək.
Həftənin əvvəlində Dolmabahçedə keçirilən görüşdə Ukrayna Rusiyanı NATO-ya üzv olmayacağına və bitərəf statusunu qoruyacağına əmin edib. Cavab olaraq o, qarant ölkələrin də daxil olduğu pilləli təhlükəsizlik strukturunu təklif edib.
Ukrayna həmçinin
zəmanətçi ölkələrin NATO-nun 5-ci maddəsinə uyğun hərəkət edəcəyi beynəlxalq təhlükəsizlik
zəmanəti strukturunun olmasını istəyir.
NATO-nun 5-ci maddəsinə əsasən, üzv dövlətlərdən birinə hücum olarsa, digər
NATO ölkələri kömək etməlidir. Kiyev administrasiyası da Ukraynada heç bir
xarici hərbi bazanın olmadığını qəbul edib.
Əzizə
Zeynal
Sfera.az
