Deputatdan ÇAĞIRIŞ: “Ay məmurlar, cəhənnəm olsun... !\"
11:17 / 31.03.2022
858
Milli Məclisin deputatı Fazil Mustafa quru sərhədlərlə əlaqəli çağırış edib.
Sfera.az bildirir ki, millət vəkili hazırda sərhədlər bağlı olduğuna görə vətəndaşların əziyyət çəkdiyini deyib:
"Mahaçqalada qiyabi təhsil alan bir tələbə zəng etmişdi, hönkür-hönkür ağlayırdı. 40 gündür universitetdə dərs üçün gedib, indi geri dönməyə yol yoxdur. "Hökumətimiz öz ölkəmizə quru sərhədimiz bağlı olduğuna görə buraxmır. Ümidimiz sizədir, yuxarılara vəziyyətimizi çatdırın”, deyə tələbə bildirib. Minlərlə bu cür acınacaqlı durumda qalan Azərbaycan vətəndaşı var Dərbənddə, Mahaçqalada, Gürcüstanda... Kimə başa salasan, kimə anladasan?”.
F.Mustafa qeyd edib ki, səfirlik problemi həll etməkdə acizdir:
"Ay məmurlar, cəhənnəm olsun pandemiya, zillət içində qalan odun deyil e, Azərbaycan vətəndaşıdır! Təcili açın qapıları, öz vətənlərinə dönsünlər. Təminat verirəm, heç bir xəstəlik filan artmayacaq. Ac-yalavac nə qədər yad ölkədə, çöllərdə qalacaqlar, aşağılanacaqlar!”.
Günay Rəsulqızı
Sfera.az
