Rusiya-Ukrayna görüşündə hansı qərarlar alındı?
Kateqoriya məlum deyil
Rusiya və Ukrayna rəsmilərinin İstanbulda baş tutan görüşü sona çatıb.
Sfera.az xəbər verir ki, İstanbulda Rusiya nümayəndə heyəti ilə görüşlərə qatılan Ukrayna nümayəndə heyətinin üzvü David Arakhamia Türkiyə də daxil olmaqla 8 ölkəni qarant ölkə olaraq görmək istədiklərini bildirib.
İstanbulda danışıqlar başa çatdıqdan sonra tərəflər bəyanatla çıxış ediblər. Ukrayna nümayəndə heyəti ölkənin təhlükəsizliyinin onların ən vacib tələbi olduğunu vurğulayıb. Mübahisəli bölgələr üçün referendum variantının gündəmə gəldiyini deyən Ukrayna tərəfi səsvermənin təzyiq olmadan sülh yolu ilə keçirilməli olduğunu bildirib.
Ukraynalı nümayəndə qeyd edib ki, onlar NATO-ya deyil, yalnız Aİ-yə daxil olacaqlar.
Əzizə Zeynal
Sfera.az
