Bayden Polşa-Ukrayna sərhədinə gedir
Media
10:25 / 25.03.2022
1275
ABŞ prezidenti Co Bayden Rusiya-Ukrayna müharibəsi fonunda gözlənilməz addım atıb.
Sfera.az bildirir ki, Baydenin bu gün Polşa-Ukrayna sərhədinə gedəcəyi açıqlanıb. Məlumata görə, Ağ Ev sahibinin təyyarəsi "Air Force One Biden” Ukrayna ərazisindən 80 kilometr aralıda yerləşən Rzeşovda dayanacaq. Baydenin axşam saatlarında paytaxt Varşavaya gedərək orada çıxış edəcəyi gözlənilir. Digər tərəfdən, onun bu addımı dünənki sammitdən sonra Qərbin Rusiyaya mesaj vermək istədiyi kimi şərh olunub.
Xatırladaq ki, NATO sammitindən sonra ABŞ prezidenti Co Bayden Brüsseldə keçirilən Avropa İttifaqı (Aİ) liderlərinin sammitində iştirak edib. O, Avropanın təkcə NATO ilə deyil, həm də Avropa Şurası və G7 ölkələri ilə birliyinin vacibliyini vurğulayıb:
"İndi edə biləcəyimiz ən vacib şey müharibə cinayəti törətdiyinə inandığımız bu adamı (Putini) dayandırmaqdır”.
Günay Rəsulqızı
Sfera.az
