Azərbaycanda 25 nəfər dərmandan zəhərlənib
Media
17:16 / 18.03.2022
1710
"Mart ayının 1-dən bugünədək Kliniki Tibbi Mərkəzə zəhərlənmə ilə bağlı 358 nəfər müraciət edib”.
Bu barədə Sfera.az-a qurumdan məlumat verilib. Qeyd olunub ki, onlardan 63-ü Toksikologiya şöbəsinə qəbul edilib, qalanlarına isə ilkin tibbi yardım göstərilərək, evə buraxılıb:
"Qəbul olan xəstələrdən 25-i dərmandan, 14-ü sirkə turşusundan, 5-i dəm qazından, 4-ü etil spirtindən zəhərlənib. Digərlərindən 3-ü anaflaksiya səbəbindən, 4-ü allergik reaksiyadan, 8-i isə botulizm səbəbindən xəstəxanaya yerləşdirilib”.
Məlumata görə, zəhərlənən şəxslərin 34-ü qadın, 24-ü kişi, 5-i uşaq olub: "Həkimlərin səylərinə baxmayaraq, 63 nəfərdən 4-ü (2 nəfər sirkə turşusundan, 1 nəfər etil spirtindən, 1 nəfər anaflaksiya səbəbindən) dünyasını dəyişib”.
Günay Rəsulqızı
Sfera.az
