Albom vədinə görə sevgilisindən bir gündə ayrılıb Sədaya evlilik təklifi edibmiş - 7-ci ər namizədi barədə iddia

 

Sfera.az bildirir ki, ifaçının yaxın zamanlarda evlilik təklifi aldığı sevgilisinə, əvvəlki münasibətini bitirməsi üçün albom təklif etdiyi irəli sürülüb. Belə ki, musiqiçi Çağlar Öktenin 3 ay bundan qabaq Lara Şehiroğlu ilə 4 illik münasibəti olduğu, hətta evlilik planları etdiyi ortaya çıxıb. İddialara görə, Səda Çağlara, "münasibətini bitir, qarşılığında sənə albom çıxartdıraram”, - deyib. Ardınca gənc musiqiçi bir gecədə Lara ilə əlaqəni bitirib.

Seda ilə Çağların evlilik xəbəri çıxana qədər Laranın Çağlar Öktenlə fotoları sosial media hesabında qalıb.  Amma xəbər çıxan kimi o, fotoları tez hesabından silib.

TV8 ekranlarında yayımlanan "2. Sayfa” proqramına telefonla bağlanan Seda Sayan yeni münasibəti ilə bağlı bunları deyib: 

"Çağlar məni evliliyə razı salmadı, mən onu razı saldım. Aramızda yaxşı bir enerji var. Bir-birimizə çox güvənirdik, güvən mənim üçün çox önəmlidir. Gözlənilməz bir anda, yəni Sevgililər günündə evlilik təklifi aldım. Çağların bu addımı məni həmişə təəccübləndirdi, həm də duyğulandırdı. Həmin gecədən sonra Çağlar diz çökərək evlilik təklifi etdi. Həmin an nə dediyini xatırlamıram".

Xatırladaq ki, Seda Sayan may ayında nikah masasına oturacağını da açıqlamışdı.