Rusiya Prokurorluğundan QƏRAR - Bu şirkətlərə nəzarət ediləcək
Media
16:07 / 11.03.2022
941
Rusiya Baş Prokurorluğu bu gün Ukraynaya hücumla əlaqədar ölkəni tərk etmək qərarına gələn xarici şirkətlərə nəzarəti artıracağını açıqlayıb.
Sfera.az xəbər verir ki, bununla əlaqədar Rusiya Baş Prokurorluğu tərəfindən açıqlama verilib.
"Prokurorlar əmək qanunvericiliyinə, o cümlədən əmək müqavilələrinin şərtlərinə, əməkhaqqının müəyyən edilməsi prosedurlarına və maaşların hesablanmasına əməl olunmasına ciddi nəzarət edəcəklər".
Qeyd edək ki, Ukrayna böhranı başlayandan bəri Qərb ölkələri Rusiya iqtisadiyyatına qarşı sanksiyalarını artırıb və Rusiya prezidenti Vladimir Putinə, eləcə də onun yaxın ətrafına sanksiyalar tətbiq edərək Rusiya vətəndaşlarının və şirkətlərinin aktivlərini dondurub.
Bundan əlavə, bir sıra maliyyə və kommersiya əməliyyatları, habelə Rusiyanın neft-qaz sektoruna qadağalar tətbiq edilib.
Əzizə Zeynal
