Ermənilər hər gün mövqelərimizi atəşə tutur - Azərbaycan antiterror əməliyyatlarına başlayacaqmı?
Media
13:51 / 11.03.2022
1002
Dünən axşamdan bu gün səhər saatlarınadək Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsi tərəfindən ordumuzun Füzuli, Xocavənd, Ağdam və Xocalı rayonları istiqamətlərində mövqeləri, Qərbi Zəngəzurun Basarkeçər rayonundan isə Kəlbəcərin üç kəndi atəşə tutulub.
Bununla bağlı Sfera.az-a danışan Milli Məclisin deputatı Bəhruz Məhərrəmov deyib ki, bu, həftə ərzində ermənilər tərəfindən yaradılan ilk gərginlik deyil:
"Düzdür, hər dəfə Beynəlxalq humanitar hüquq rəhbər tutulmaqla erməni ordusunun, habelə, separatçıların qanunsuz dəstələrinin adekvat və sərt şəkildə cavabları verilir. Lakin, görünən odur ki, məsələ köklü həlli edilməyincə yəni, antiterror əməliyyatları ilə separatçılar tam məhv edilməyənə, Ermənistan isə "Dəmir yumruğ”un təhdidi altında Azərbaycana qarşı ərazi iddialarından tam əl çəkdiyini rəsmən bəyan edib, hərbi cinayətlərə görə dövlət səviyyəsində üzr istəməyənə qədər sabitlik üçün bu kimi təxribatlar davam edəcək”.
Millət vəkili bildirib ki, ermənilər hələki könüllü surətdə doğru yola gəlmək, murdar ideologiya və zərərli iddialarından çəkmək istəmir:
"Bu da hər kəsdən çox elə onların özləri üçün ciddi problemlər yaradır. Deməli, getdikcə zərurətə çevrilən "Dəmir yumruq” ədaləti bərqərar etməklə yanaşı, eyni zamanda erməni xalqı və Qarabağda yaşayan "yolunu azmış" erməni əsilli vətəndaşlarımız üçün də yeganə xilas yoludur”.
Günay Rəsulqızı
Sfera.az
