Çin də Rusiyaya zərbə vurdu: "İndi daha ağır vəziyyətə sürüklənəcək"
Media
12:33 / 11.03.2022
898
"Rusiya növbəti zərbəni dostu Çindən alıb”.
Sfera.az bildirir ki, bunu "Atlas” Araşdırmalar Mərkəzinin rəhbəri Elxan Şahinoğlu deyib. Onun sözlərinə görə, Kreml Qərb ölkələrinə sata bilmədiyi nefti Çinə satmağı planlaşdırsa da, bu ölkə Qərbin sanksiyalarından ehtiyat edir:
"Ona görə də Pekin "müvəqqəti” adı altında Rusiyadan neft alışını dayandırıb. Pekini anlamaq olar. Rusiya neftinin alışına görə maliyyə vəsaitinin bank üzərindən ödənişi problematikdir. Çünki Rusiyanın əsas bankları sanksiya altındadır. O biri tərəfdən, Çin neftə olan tələbatının əsas hissəsini illərdir ərəb ölkələrindən və İrandan alır”.
Ekspert əlavə edib ki, Çin Rusiya təyyarələri üçün detalların satışını da dayandırıb:
"Bunun da səbəbi eynidir. Çin Qərb ölkələrinin sanksiyalarından ehtiyat edir. Çinin imtinaları Rusiyanı daha ağır vəziyyətə sürükləyəcək. Ancaq Kremlin Pekinə etiraz etməyə haqqı yoxdur. Pekin ən azı Kremlə bunu deyə bilər: "Ukraynaya hücum edərkən mənimlə məsləhətləşmişdin?””.
Günay Rəsulqızı
Sfera.az
