Nazarbayevin Antalyaya GƏLİŞİ - Ərdoğan bu jest ilə kimə mesaj göndərdi?
14:35 / 10.03.2022
1048
Məlum olduğu kimi, bu gün Antalyada Türkiyənin təşəbbüsü ilə keçirilən və ev sahibliyi etdiyi ikinci Diplomatiya Forumu öz işinə başlayıb. Forumda dünyanın demək olar ki, bütün ölkələrinin dövlət və siyasi xadimləri iştirak edir. Burada sürpriz kimi qəbul olunan hadisə isə, Ərdoğanın dəvət etdiyi Qazaxıstanın birinci prezidenti olan Nursultan Nazarbayevdir. Onnun foruma dəvət olunması bir sıra suallar yaradıb.
Rəcəb Tayyip Ərdoğan bu jesti ilə kimə mesaj göndərmək istəyir?
Bununla bağlı Sfera.az-a açıqlama verən politoloq Əlimusa İbrahimov deyib ki, hər bir xadim bunu öz siyasi baxışları prizmasından izah edir:
"Kimi bu dəvətin Rusiyaya mesaj, kimi isə Qazaxıstanın yeni hökumətinə xəbərdarlıq olduğunu bildirir. Fikrimcə, Ərdoğanın bu hərəkəti ilk növbədə Türk dünyasında böyüklərə, ağsaqqallara verilən hörmət və izzətin təzahürüdür. Eyni zamanda, Nazarbayevin türk dilli dövlətlərin yaxınlaşması istiqamətində oynadığı rolu qiymətləndirilərək, onun siyasi səhnədən uzaqlaşdırılmasının hələ tez olduğu diqqətə çatdırılır”.
Müsahibimiz bildirib ki, Nazarbayevə göstərilən bu hörmətlə Türkiyə Prezidenti siyasi mesajlar da verib:
"Bu mesajlar aid olan ünvanlara artıq çatıb və heç şübhəsiz, onlar lazım olan nəticəni çıxaracaqlar”.
Günay Rəsulqızı
