Sfera.az bildirir ki, Putinin 1 yaşlı qardaşı Viktorun İkinci Dünya Müharibəsi zamanı Leninqradda nasist qüvvələri tərəfindən öldürüldüyünü xatırladan Blinken "Müharibənı dayandır” çağırışını təkrarlayıb. Onun bu açıqlaması dünya gündəmində səs-küy yaradıb.

ABŞ dövlət katibi Latviyanın paytaxtı Riqaya səfəri zamanı deyib:

 

"Hər bir rusiyalı bilir ki, İkinci Dünya Müharibəsi zamanı leninqradlılar sistematik olaraq aclıq və təqiblərə məruz qalıblar. Bu mühasirə milyonlarla rus ailəsinə, o cümlədən bir yaşlı qardaşı ölən prezident Putinə təsir edib. İndi Rusiya qüvvələrinin aramsız bombardmanlarını davam etdirdiyi cənub liman şəhəri Mariupolda yüz minlərlə insan aclıq və susuzluqdan ölür, bu, biabırçılıqdır. BMT ailələrin təhlükəsiz keçidini tələb edir. Bununla belə, rus qoşunları insanların ölkəni tərk etməsinə mane oldu”.

Qeyd edək ki, Blinkenin bu sözləri Putinin mülki şəxslərə qarşı təzyiqləri gücləndirdiyinə dair xəbərlər və görüntülər yayıldıqdan sonra səsləndirilib. Ağ Ev rəsmilərindən biri ABŞ-ın mülki şəxslərin qəsdən hədəfə alınıb-alınmadığını sübut edə biləcək məlumatlar topladığını söyləyib. Adının açıqlanmasını istəməyən digər səlahiyyətli şəxs isə Putinin işğalçı qüvvələrinin təxminən 100 faizini Ukraynaya göndərdiyini deyib.