“Yandex” müflis olur - Səhmdarlarından defolt riski barədə XƏBƏRDARLIQ
15:19 / 04.03.2022
1477
Rusiyanın tanınmış texnologiya şirkəti olan "Yandex” müflis ola bilər.
Sfera.az xəbər verir ki, bununla bağlı xəbərdarlığı şirkətin səhmdarları verib.
Bildirilib ki, Rusiyanın Ukraynaya müdaxiləsindən sonra tətbiq edilən sanksiyaların mümkün təsirləri öyrənilib.
Şirkət xəbərdarlıq edib ki, qiymətli kağızların "Nasdaq”da ticarəti beş gündən artıq dayandırıldıqdan sonra sahiblər istiqrazlarının nominal və hesablanmış faizlə geri alınmasını tələb etmək hüququna malikdirlər.
Burada söhbət 2025-ci ildə ödəmə müddəti bitən 1,25 milyard dollar dəyərindəki istiqrazlardan gedir. Bu istiqrazlar üzrə illik borclanma faizi 0,25%-dir.
Şirkətin mesajından da belə çıxır ki, hazırda onun istiqrazları tam ödəmək üçün kifayət qədər vəsaiti yoxdur. "Yandex” xəbərdarlıq edir ki, istiqrazların nominal üzrə geri alınması qısa müddətdə şirkətin likvidlik mövqeyinə əhəmiyyətli təsir göstərə bilər və bu, şirkətin digər öhdəliklərini yerinə yetirmək qabiliyyətini zəiflədəcək.
"Yandex” şirkəti 1997-ci ildən bəri dünya səviyyəli axtarış və məlumat xidmətləri təqdim edir. Bundan əlavə, şirkət dünya üzrə milyonlarla istehlakçı üçün bazarda aparıcı tələb olunan nəqliyyat xidmətləri, naviqasiya məhsulları və digər mobil proqramlar hazırlayır.
Vasif
