Sfera.az aparılan araşdırmanın nəticələrinə istinadən xəbər verir ki, Ukrayna ilə müharibə Rusiyaya hər gün 20 milyard dollardan çox xərc və ya maliyyə itkisi yaradır. Bu məbləğə müharibədə məhv edilən texnika, eləcə də müharibədə insan tələfatına əsaslanan potensial, ümumi daxili məhsul istehsalındakı azalma daxildir.

Tədqiqatçılar bildirir ki, hesablamalara mühafizəkar yanaşılıb və bura sursat, yanacaq, ehtiyat hissələri və ya yaralı əsgərlərin təxliyəsi və müalicəsi ilə bağlı xərclər daxil deyil. 

Bundan başqa, Rusiya iqtisadiyyatının sahib olduğu aktivlərin dəyərinin itirməsi də nəzərə alınmayıb. Ekspertlər hesab edir ki, bu itki sonradan qiymətlərin artması ilə bərpa edilə bilər: "Rusiyalı milyarderlər də milyardlarla pul itirirlər. Putinin Ukraynanı işğal etməsindən sonra Rusiya birjaları çökdüyü üçün rus milyarderləri kollektiv şəkildə 83 milyard dollar itiriblər. Rusiya fond bazarlarında baş verən çöküş investorların ümumilikdə 189 milyard dollarlıq sərvətinə ziyan vurub. Bu sərvətin çox hissəsi səhm sahibliyi şəklində kağız üzərindədir və Rusiya səhmləri yenidən qalxarsa itkilər geri qaytarılacaq”.

Ekspertlər proqnozlaşdırır ki, Ukrayna müharibəsinin Rusiya üçün birbaşa və dolayı xərcləri çox yüksək olacaq. İxracdakı itkilər, rublun ucuzlaşmasına görə iqtisadiyyatda, əhalidə yaranan əlavə xərclər, ÜDM istehsalının azalması nəzərə alındığında ümumi itkilərin dəyəri 1,5 trilyon dolları ötəcək. 

Vasif