UNİAN: Rusiya kursantları döyüşə göndərir
Media
16:25 / 02.03.2022
1788
Ukrayna Prezident Ofisinin rəhbərinin müşaviri Aleksey Arestoviç ukraynalıların müqaviməti nəticəsində Rusiya hərbçiləri arasında demoralizasiya səviyyəsinin artdığını bildirib.
Sfera.az xəbər verir ki, bu haqda məlumatı UNİAN yayıb. Martın 2-də Kiyevdə keçirdiyi brifinqdə Arestoviç deyib ki, rus hərbçiləri kütləvi şəkildə silahlarını atır, təslim olur, yaxud Belarus və ya Rusiya sərhədlərinə doğru geri çəkilir.
Aretoviçin sözlərinə görə, ruslar hətta kursantları döyüşə atırlar: "Ruslar hətta hərbi məktəblərin kursantlarını döyüşə aparırlar. Xüsusilə bu cür məlumat ikinci kurs kursantlarının Ukrayna ilə müharibəyə atıldığı Serpuxov hərbi məktəbindən gəlir. Bu isə hərbi komandanlıq nöqteyi-nəzərindən fəlakət deməkdir. Çünki kursantlara adətən son ana qədər toxunulmur. Belarus ordusunu cəlb etmək cəhdlərini də buna aid etmək olar. Amma hələlik bu barədə rəsmi məlumat yoxdur. Belarus ordusunun Ukraynaya qarşı hərbi əməliyyatlarda iştirakı siqnalları var”.
Vasif
