Putinin “gizli qızı” sosial şəbəkə istifadəçilərinin hədəfində - FOTOLAR

Sfera.az bildirir ki, Sankt-Peterburqda tələbə olan 18 yaşlı Luiza Rozova xüsusilə "İnstagram” hesabında qəzəbli mesajlara tuş gəlib. Az bir qism gənc qızı müdafiə etsə də, əksəriyyət nifrət dolu şərhlər yazıb. İstifadəçilər onu bahalı həyat tərzi sürdüyünə görə qınayıblar və Putinin hərəkətlərinin minlərlə insanın ölümünə səbəb olduğunu vurğulayıblar.

Belə ki, Luizanın hesabında "Putinə zəng et - əgər səni sevirsə ... bəlkə onu öldürməməyə inandıra bilərsən”, "Heç olmasa atasının etdikləri ilə razılaşmadığını göstərə, ona bir şəkildə təsir edə bilərdi”,  "O susur, çünki bilir ki, atasına bir pis söz desə, böyük pullardan, mənzillərdən və bahalı əşyalardan məhrum olacaq”, "Təəssüf ki, vacib şeylər var. Amma görünür, pul kisələri, villalar onun üçün insan həyatından daha önəmlidir” kimi cümlələr yer alıb.

Digər tərəfdən, bəziləri Rozovanı müdafiə edərək , "Onu mühakimə etməyin, bu, onun günahı deyil",  "Luiza atası belə olduğuna görə heç nə edə bilməz”,  "Uşaqlar, o, sadəcə bir insandır” kimi şərhlər qeyd ediblər.

Qeyd edək ki, Luzia 45 yaşlı multimilyonçu Svetlana Krivonoqixin qızıdır. Rusiya mətbuatının yazdığına görə, Putinlə Krivonoqix arasında münasibətlər 90-cı illərin sonunda başlayıb. O vaxt Sankt-Peterburqda yaşayan Krivonoqix universitetdə oxuduğu müddətdə təmizlikçi kimi də çalışıb. Cütlüyün münasibətinin necə başlayıb, necə bitdiyi məlum olmasa da, 2003-cü ildə yollarının ayrıldığı düşünülür. Sonrakı illərdə milyoner olan Svetlana hazırda Rusiyada bank sahibidir. O, qızının atasının Putin olması ilə bağlı iddiaları heç vaxt şərh etməyib. Putin də heç vaxt açıq şəkildə Luzianı qızı kimi tanımayıb.

 

Rusiya prezidentinin keçmiş həyat yoldaşı Lyudmiladan isə iki qızı var.