Rusiyadan Azərbaycana pul köçürmələri azalacaq
Media
12:33 / 02.03.2022
1625
Rusiya banklarına sanksiyaların tətbiq edilməsindən sonra ölkədən nağd formada xarici valyutanın çıxarılmasının məhdudlaşdırılması Azərbaycana da pul köçürülməsini azaldacaq.
Sfera.az xatırladır ki, ABŞ, Avropa İttifaqı ölkələri və digər inkişaf etmiş ölkələr Rusiya banklarının xarici valyutada əməliyyatlarına məhdudiyyət tətbiq edib. Bu qadağalar Rusiyanın başqa ölkələrlə maliyyə əməliyyatlarını çətinləşdirib, xarici valyutaya konvertasiya olunan vəsaitlərin həcmini artırıb.
Bunun qarşılığında Rusiya Prezidenti Vladimir Putin ölkədən 10 min dollardan artıq nağd xarici valyutanın çıxarılmasını qadağan edib. Qərar martın 2-dən etibarən qüvvəyə minir.
Tətbiq edilən məhdudiyyətlər Rusiyadan Azərbaycana pul köçürmələrini xeyli azaldacaq. Azərbaycan Mərkəzi Bankının məlumatına əsasən, 2021-ci ilin 9 ayında Rusiyadan ölkəmizə fiziki şəxslər tərəfindən 352,45 milyon dollar dəyərində pul göndərilib. 2020-ci ildə bu məbləğ 606 milyon dollar olub.
Məhdudiyyətlər pul köçürmələrinin həcmini bir neçə dəfə azaldacaq. Azalmanı 2022-ci ildə müşahidə edəcəyik.
Vasif
